Kryetari i Ferizajt e ka pritur me lehtësim njoftimin se fëmija i lënduar nga qentë, po përmirësohet nga shëndeti dhe lutet që t’i kalojë sa më shpejt lëndimet dhe traumat e pësuara. Kryetari Sfarqa solidarizohet me familjen e Urim Tushës dhe shpreh gatishmërinë për t’i ofruar çdo ndihmë të nevojshme.

Kryetari i Ferizajt sqaron qytetarët se Komuna e Ferizajt ka kontraktuar një firmë për trajtimin e qenve endacakë, e cila tashmë ka trajtuar mbi 400 qen, por eliminimi i rrezikut prej tyre është problem afatgjatë dhe do të zgjasë disa vjet.

Kryetari Sfarqa ka mobilizuar të gjitha drejtoritë e ekzekutivit komunal që lidhen rastin e fëmijës Urim Tusha dhe me trajtimin e qenve endacakë, për të minimizuar rreziqet që vijnë prej tyre.