Ahmeti fluksin e madh të ikjeve nga Kosova, thotë të ketë vërejtur edhe nga kërkesat e mëdha që ditëve të fundit paraqiten për dokumente të ofirçarisë.

“Këto ditë në komunën e Prishtinës janë shtuar tepër shumë kërkesat për dokumente të ofiçarisë. Duke parë fluksin e madh kemi kërkuar më shumë informata nga qytetarët. Pjesa më e madhe janë qytetarë që po kërkojnë rrugën drejt Evropës. Dje, ditë e premte ka patur më shumë kërkesa të tilla se sa aplikacione të rregullta që i kemi çdo javë”.

Kryetari Ahmeti, në reagimin e tij, ka thënë se me këtë nuk po dëshiron t’i përzihet askujt në planet e tij, por dëshiron t’i njoftojë ata se kërkesa për azil po i refuzohet gati gjithsecilit kosovar, transmeton lajmi.net.

“Sigurisht se secili prej neve i din hallet e veta më së miri, dhe secili e ka për qëllim një jetë më të mirë, prandaj askush nuk mund të këshillojë nga një pozitë tjetër. Megjithatë numrat e refuzimit të azilkërkuesve janë në përqindja gati se absolute”.

I pari i kryeqytetit ka ftuar qytetarët që të qëndrojnë në Kosovë, dhe këtu të japin kontributin e tyre për siç ka thënë ai, ta shpëtuar vendin nga keqbërsit dhe të korruptuarit.

Kosovën duhet ta shpëtojmë nga keqbërësit e të korruptuarit sa më parë, sepse po e lejuam kështu, do të kemi edhe më shumë qytetarë të kthyer nga burgjet e urat e Evropës por tash më pa shtëpi e me borxhe.”