Kryeministri Haradinaj: Opozita dhe Lista Serbe nuk po e votojnë ekipin negociator
Kryeministri i Kosovës, Ramush Haradinaj, ka pranuar që as Lista Serbe nuk po e voton, propozimin e tij për ekipin negociator.
Lajme
Ai nuk ka dhënë ndonjë informacion nëse do të ketë vazhdim të seancës, por ka thënë se ajo që dihet botërisht është se opozita dhe Lista Serbe nuk e votojnë ekipin negociator.
Seanca e sotme e Kuvendit të Kosovës ku në rend dite është votimi i ekipit negociator të propozuar nga Qeveria ende nuk ka filluar.
Seanca e njëjtë u caktua për sot në orën 14:00 por që nuk arriti të mbahej dhe u shtye për në orën 16:00.
Kjo seancë ende nuk ka nisur dhe nuk është e qartë se çfarë po ndodhë pasi as vet deputetët e Kuvendit nuk janë në dijeni.
Ndëkohë deputetë nga partitë opozitare po kërkojnë që të mbahet seanca e thirrur nga ta për miratimin e Rezolutës e cila ia ndalon presidentit Hashim Thaçi vazhdimin e bisedimeve Kosovë-Serbi. /Lajmi.net/