Banorët e Krimesë sot u janë drejtuar kutive të votimit, duke dalë kështu në referendum për t’u ndarë nga Ukraina dhe t’i bashkohen Rusisë.

Qeveria e re e Ukraniës dhe shumica e komunitetit ndërkombëtar, përveç Rusisë, kanë thënë se ata nuk do të njohin rezultatet e këtij referendumi- ku pritet që shumica dërmuese të votojnë pro shkëputjes së menjëhershme nga Ukraina.

Ushtruesi i detyrës së Presidentit në Ukrainë, Oleksandr Turchynov ka bërë thirrje që të bojkotohet referendumi, duke akuzuar Rusinë se është duke vazhduar planin e saj për invazionin e kësaj pjese.

“Rezultati ishte planifikuar më parë nga Kremlini si një justifikim formal për të dërguar trupat e saj dhe për të filluar luftën, e cila do të shkatërrojë jetën e njerëzve si dhe perspektivën ekonomike në Krime”.

Në këtë referendum janë thirrur që të votojnë rreth 1.5 milionë persona, dhe gadishulli i Detit të Zi, ku gjendet Krimea, është e banuar kryesisht nga rusët etnikë.

Sergiy Aksynov, një votues, i cili është pro-rus  pasi që votoi tha se kjo është një epokë e re.

“Ky është një moment historik, dhe të gjithë do të jetojnë të lumtur”.

“Ne do ta festojmë këtë mbrëmje”

“Kjo është një epokë e re”, tha ai teksa një njeri pas tij që po valëviste një flamur të Ukrainës, u largua nga forcat e sigurisë.