Kosovari që po akuzohet për dhjetëra raste vjedhjesh në Gjermani – Lajmi.net
Kosovari që po akuzohet për dhjetëra raste vjedhjesh në Gjermani
Autori: Lajmi.net LajmeRajoni 17:59, 12 March 2018
Një 37 vjeçar i cili për shkak të gjendjes së luftës në Kosovë u detyrua të largohej në Gjermani, është duke u hetuar për dhjetëra vepra penale, raste vjedhjesh të gjërave të vlefshme.

Sipas mediave gjermane, tetë dëshmitarë deri tani janë thirrur në gjyq, ndërsa i pari nga ta ishte bashkëpunëtor i ngushtë i kosovarit.

Raportohet se i pandehuri 37 vjeçar, akuzohet se plaçkiti shtëpitë e dy familjeve në Illertissen e po ashtu edhe disa objekte të zonës Dettingen, Erolzheim dhe Kirchberg.

Kosovari identiteti i të cilit nuk është bërë i ditur, kishte vepruar vetëm me një kaçavidë nën shoqërinë e disa autorëve të tjerë të cilët kishin depërtuar në shtëpi përmes dritareve dhe tarracave.

Ai vodhi bizhuteri me vlerë të lartë si dhe shumë të madhe parasë, dëm ky i cili llogaritet më i lartë se vlera e mallrave të vjedhura.

I pandehuri raportohet se ndoqi seancën e parë krejtësisht në mënyrë të qetë ndërsa ka potencuar se kishte kaluar fëmijërinë e tij sikurse familjarët e tjerë në Kosovë. Ai kishte udhëtuar në Gjermani në moshën 17 vjeçare, fillimisht në Landsberg e më pas në Neu-Ulm. Pas mbarimit të luftës ai përsëri ishte kthyer në Kosovë por më pas ishte martuar me një gjermane, martesë e cila zgjati për dy vjet në Illertissen e më pas ishin divorcuar.

Që kur pati probleme me vizat, ai jetoi ilegalisht në Illertissen nga fundi i vitit 2014 deri në shkurt 2017, ku dhe u arrestua pas hetimeve për këto akuza të ngarkuara.

Seanca e tij e radhës mbahet më 14 mars në orën 9.00.

Fotolajm

Rita, Dua dhe Era.
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO