Krasniqi falënderoi ambasadorin për mbështetjen e deritashme që ka dhënë Italia për Kosovën.

Ai shprehu gatishmërinë e tij për të thelluar edhe më tej partneritetin mes MBPZHR-së dhe Ambasadës së Italisë në Kosovë.

Nga ana e tij, ambasadori Ferrarese rikonfirmoi gatishmërinë e shtetit të tij për të ndihmuar zhvillimin e sektorit të bujqësisë në Kosovë, duke premtuar edhe forma të ndryshme të bashkëpunimit mes dy vendeve.

Në këtë takim u diskutua për mundësitë e bashkëpunimit mes kompanive nga Italia dhe prodhuesve e kultivuesve të produkteve bujqësore në Kosovë.

Dy bashkëbiseduesit u pajtuan që të vazhdojnë komunikimin me qëllim të konkretizimit të formave të bashkëpunimit.