Kosova nuk ka komoditet të funksionojë pa institucione – Lajmi.net
Kosova nuk ka komoditet të funksionojë pa institucione
Autori: Lajmi.net EkonomiLajmePolitikë 8:39, 24 August 2017
Kosova nuk ka komoditet të funksionojë pa institucione dhe mungesa e tyre është duke e goditur vendin në forma të ndryshme, kanë thënë për Radio Kosovën afaristët dhe përfaqësues të bizneseve.

Kreu i Odës Ekonomike të Kosovës Safet Gërxhaliu thotë se është koha e fundit për konstituimin e Kuvendit dhe formimin e qeverisë së re.

Vonesa e krijimit të institucioneve të reja, po i shqetëson edhe afaristët. Kjo vonesë sipas kryetarit të Odës Ekonomike Safet Gërxhaliu, po e dëmton Kosovën në forma të ndryshme.

“Nuk kemi konstituim të bordeve që janë substanciale për zhvillim ekonomik, e kemi një situatë mjaft alarmante sa i përket Partneritetit me institicione europiane dhe kur krejt kësaj i shtohet fakti që edhe më tej nuk dihet një datë konkrete e asaj se kur do të kemi institicione, e vënë në dyshim edhe më tepër rishikimin e buxhetit të vitit 2017”, thotë Gërxhaliu.

Cështje shqetësuese për afaristët është mos-kryerja e pagesave ndaj tyre për punët e kontraktuara me institucionet publike, thotë më tej Gërxhaliu.

“Dhe nëse nuk do të kemi rishikim të këtij buxheti, atëherë si do të kryhen pagesat për sektorin privat, sektor privat që është implementues dhe zbatues i projekteve të financuar nga qeveria që janë të natyrës publike”, theksoi Gërxhaliu.

Por afaristët frikohen të flasin hapur për borxhet që i kanë ndaj tyre institucionet qeveritare.

“800 mijë euro m’i ka Ministria e Infrastrukturës… jo jo nuk dua të flas”, shprehet një afarist në anonimitet.

Kurse afaristi tjetër, Fadil Berjani apelon që institucionet të formohen sa më shpejt.

“Vonesa e institicioneve ndikon shumë në biznese prandaj ne apelojmë që sa më parë të formohen institicionet sepse të gjithë ne po i bartim pasojat për mosfunksionimin e shtetit ashtu si duhet të funksionojë”.

Afaristët dhe përfaqësuesit e tyre thonë se mbi shtetin nuk mund të jenë interesat e caktuara të individëve e partive politike. Prandaj thonë ata është koha e fundit që në Kosovë të bëhet me tepër për shtet sesa të flitet. /RTKlive/

Fjalët kyçe: institucionet e reja

Fotolajm

‘’Në makinë, ka njerëz që nuk do të takohen kurrë më!’’
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play Zombie Big Trouble
  • Play Bow Master
  • Play iStunt 2
  • Play World Soccer Champion