Kosova mposhtet edhe nga Turqia, FFK merr vendim për Bunjakin
Federata e futbollit e Kosovës (FFK) do të vazhdoj t’i besoj projektit të Albert Bunjakit.
Sport
Selektori i Kosovës, Albert Bunjaki ishte në çandër të vëmendjes pas humbjes së Kosovës nga Turqia (2:0), në kuadër të eliminatoreve për Botërorin ‘Rusia 2018’
Bunjaki u kritikua ashpër pasi nuk bëri asnjë zëvendësim në këtë ndeshje, derisa fansat e Kosovës kanë kërkuar shkarkimin e trajnerit kosovar.
Por, Federata e futbollit e Kosovës (FFK) do të vazhdoj t’i besoj projektit të Albert Bunjakit, shkruan Express.
“Bunjaki do të vazhdoj të mbetet selektor i Kosovës”, ka deklaruar Vokrri në një prononcim për gazetën Express.
“Unë i kuptoj shqetësimet e sportdashësve, por mundësit dhe dëshirat janë dy gjëra të ndryshme”, ka theksuar Vokrri.
Bunjaki ka kontratë me Federatën e Futbollit të Kosovës 2 + 2. Kështu, Bunjaki pritet ta drejtoj Kosovën edhe në eliminatoret për Evropianin 2020.