Kosova me ujëmbledhës të rinj
Kosova shumë shpejtë do të bëhet më ujëmbledhës të rinj, kështu ka bërë të ditur kryeministri i Kosovës Ramush Haradinaj pas takimin e nëntë të Këshillit Ndërministror të Ujërave.
Lajme
Sipas të paritë të qeverisë ndërtimi i ujëmbledhësve të rinj do të hap kapitull të ri zhvillimit ekonomik.
“Në Takimin e Nëntë të Këshillit Ndërministror të Ujërave, identifikuam të gjithë hapat e nevojshëm dhe adresuam çështjet që kanë të bëjnë me planifikimin afatgjatë për ndërtimin e ujëmbledhësve të rinj dhe sigurisë së akumulimeve ekzistuese në vend” ka shkruar Haradinaj në Facebook.
Sipas tij, ky sektor e ka vëmendjen e plotë të Qeverisë, si një investim strategjik afatgjatë dhe me interes shtetëror.
“Ky sektor ka vëmendjen e plotë të Qeverisë, si investim strategjik dhe afatgjatë me interes shtetëror, për ngritjen dhe sigurimin e parametrave të domosdoshëm për zhvillim gjithpërfshirës dhe të qëndrueshëm”, ka shkruar tutje ai./Lajmi.net/