Kosova dhe Sllovenia flasin për bashkëpunim në fushën e inovacionit – Lajmi.net
Kosova dhe Sllovenia flasin për bashkëpunim në fushën e inovacionit
Autori: Lajmi.net LajmePolitikë 13:20, 14 March 2018
Ministri i Ministrisë së Inovacionit dhe Ndërmarrësisë, Besim Beqaj ka pritur në takim ambasadorin e Sllovenisë në Kosovë, Bojan Bertoncelj.

Në takim u diskutua për mundësitë e bashkëpunimin të Kosovës dhe Sllovenisë në fushën e inovacionit si dhe për shkëmbimin e përvojave të rëndësishme për Ministrinë e Inovacionit dhe Ndërmarrësisë.

Beqaj, në emër të Qeverisë së Kosovës, e falënderoi ambasadorin për bashkëpunimin e vazhdueshëm në mes të Sllovenisë dhe Kosovës, si dhe për përkrahjen e vazhdueshme që Sllovenia si vend mik i ka dhënë Kosovës.

Ai u shpreh i interesuar për mbështetje në fushën e shkëmbimit të përvojave sllovene në sektorin e inovacionit dhe ndërmarrësisë dhe marrjen e ekspertizës shumë të nevojshme nga Sllovenia si shtet anëtarë i BE-së.

“Bashkëpunimi me Slloveninë në fushën e inovacionit dhe ndërmarrësisë, si dhe marrja e ekspertizës sllovene në këtë sektor të rëndësishëm për zhvillimin e ekonomik dhe transformimin e saj në ekonominë digjitale, është shumë i rëndësishëm për Kosovën”, ka thënë ai.

Ai po ashtu ka thënë se Sllovenia ka shumë ekspertizë në fushën e TIK, dhe se ka marrë zotimin nga ambasadori slloven për mbështetje të pakursyer për transformimin e ekonomisë tonë në ekonomi digjitale.

Fotolajm

Rita, Dua dhe Era.
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO