Presidenti i Kosovës, Hashim Thaçi, ka thënë se agjenda politike e Kosovës është e përputhshme me agjendën e Shteteve të Bashkuara të Amerikës.

Kosova duhet në afat të shkurtër ta përmbyllë demarkacionin si kriter të mbetur për lëvizje të lirë në Evropë, ka shkruar Thaçi në llogarinë e tij në Facebook, duke treguar për fjalimin që ka mbajtur në Ambasadën amerikane, gjatë një ndeje për festimin e Ditës së Pavarësisë së Amerikës.

“Në rrugëtimin afatgjatë duhet të luftojmë korrupsionin dhe ekstremizmin, dy rreziqe thelbësore që mund të na dëmtojnë rrugëtimin tonë drejt NATO-s dhe BE-së”, thuhet më tej në postimin e Presidentit në rrjetin social. /Lajmi.net/