Koreja e Veriut ka qëlluar me zjarr artilerie në ujrat koreano-jugore, mesa duket në shenjë reagimi ndaj stërvitjeve ushtarake nga Shtetet e Bashkuara dhe Koreja e Jugut, raporton Zëri i Amerikës.

Seuli reagoi menjëherë sot, duke hapur zjarr ndaj ujrave koreanoveriore.

Zyrtarët thonë se asnjë nga predhat nuk goditi tokën në të dyja anët e kufirit detar dhe se askush nuk u plagos.

Zyrtarët koreano-jugorë thanë se disa banorë të ishujve kufitarë u evakuuan në strehime, si masë mbrojtëse.