Kontrollon telefonin e burrit, dënohet me 36 mijë euro dhe deportim nga vendi
Një grua është gjobitur me 36 mijë euro dhe, e njëjta do të deportohet nga Emiratet e Bashkuara Arabe, pasi ajo e ka kontrolluar telefonin e burrit të saj që të sigurohej nëse ai po e tradhtonte atë.
Fun
Arabi ka raportuar në gjykatë se ajo ka shkelur privatësinë e tij, shkruan express.co, transmeton lajmi.net.
Ajo është ndjekur penalisht sipas ligjit të krimit në internet i cili dënon “shkeljen e privatësisë të një personi tjetër”, duke përdorur teknologjinë e informacionit.
E njëjta u shpall fajtore nga gjykata e krimit në Ajman, ditën e së enjtes.
Avokati i saj tha se gruaja e akuzonte burrin e saj se kishte një aferë dashurie.
Ajo pranoi se ishte kyçur në telefonin e burrit pa lejen e tij duke transferuar kështu fotografitë në telefonin e saj.
Çifti thuhet se ishte në të 30-tat e tyre, por asnjë informacion tjetër nuk ishte në dispozicion./lajmi.net