Konkurs për dizajnin e logos së FFK-së, fituesi shpërblehet me 1500
Federata e Futbollit e Kosovës është në kërkim të imazhit të ri dhe fton të gjithë individët e interesuar për të paraqitur idetë e tyre kreative për logon e saj.
Sport
Ky konkurs ka natyrë garues dhe çmimi i fituesit shkon deri në 1500 euro, përcjellë IndeksOnline.
Më poshtë i keni disa udhëzime që duhet t’i ketë parasysh aplikuesi (ideatori) i logos:
Të reflektojë misionin e Federatës së Futbollit të Kosovës;
Të jetë bashkëkohore dhe e lehtë për t’u mbajtur mend;
Të jetë kuptimplotë. Aplikuesi duhet të paraqesë së bashku me logon edhe një tekst shpjegues të
saj;
Të mos ketë ngjashmëri me asnjë nga logot e federatave të futbollit të shteteve të tjera dhe të
entiteve të tjera sportive në Kosovë dhe në botë;
Të jetë praktike dhe e përshtatshme për t’u përdorur në të gjitha materialet e Federatës së
Futbollit të Kosovës: uniformave të ekipeve përfaqësuese të Kosovës, materialeve promovuese,
dokumentacion zyrtar, e të tjera.
RREGULLAT E KONKURIMIT:
Dizajnet duhet të dërgohen në zarf të mbyllur i cili duhet të përmbajë:
– Punimet e printuara dhe në CD në formë elektronike.
– Punimet duhet të mbajnë vetëm një kod/shifër identifikuese dhe jo të dhënat personale të
autorit.
– Të dhënat personale të autorit të cilat duhet të futen në një zarf tjetër të vogël. Zarfi do të
hapet vetëm pas përzgjedhjes së logos.
Dizajnet duhet të punohen në programe të specializuara për dizajn si Adobe Photoshop, Adobe
Illustrator, etj.
Një autor mund të aplikojë me më shumë se një ide.
Nëse një autor aplikojë me më shumë se një ide, idetë duhet të paraqiten në zarfa të veçantë.
Punimet e printuara konkuruese me CD duhet të vendosen në një zarf i cili duhet të përmbajë
edhe zarfin e mbyllur me shënimet personale të autorit.
Punimet duhet të dorëzohen zarfa të mbyllur me shënimet e mëposhtme në adresën e mëposhtme:
Federata e Futbollit e Kosovës
Rruga 28 Nëntori, 171
Prishtinë, 10000
Republika e Kosovës
Në zarf duhet të shënohet:
PËR: Departamentin e Marketingut dhe Komunikimit me Publikun
REF: KONKURSI PËR DIZAJNIMIN E LOGOS