Konjufca propozon shkarkimin e Komisionit për tejkalim kompetencash
Glauk Konjufca, shef i Grupit Parlamentar të Lëvizjes Vetëvendosje deklaroi se Komisioni Shtetëror i Kosovës ka bërë gabime të mëdha në këtë rast, duke i dhënë vetës edhe të drejtë të vendosë kufij të ri.
Lajme
Konjufca tha se Komisioni i ka dhënë vetës mandat për të vendosur kufij të rinj edhe pse mandati i tij ishte vetëm shënjimi i atyre ekzistues.
Konjufca tha se edhe aspektin natyror edhe në atë politik e historik, ky Komision i ka dhunuar.
“Pikat kufitare nuk vendosën pahiri, por ajo e shënjon një territor”.
Konjufca tha se infrastruktura edhe rrugët janë një rast konkret që tregon se i kujt është një territor i caktuar, raporton lajmi.net.
Ai tha se Kosova i ka mirëmbajtur dhe shtruar rrugët deri në Cakorr, kurse tash ai territor nuk është i tij.
“Nga viti 1946 deri në Kullë e Çakorr, Kosova ka qenë përgjegjëse për këto rrugë”, tha Konjufca.
Ai tha se një argument tjetër që dëshmon se ajo pjesë është e Kosovës, është fakti se Kosova ka pyllëzuar atë pjesë.
“Ky demarkacion nuk ishte mbi fakte e mbrojtje të territorit, por në kurriz të Kosovës”.
Konjufca tha se profesor Murat Meha, tani kryetar i Komisionit Shtetëror tha se e ka hartuar hartën në vitet 90-ta e ku kufiri ishte deri në Çakorr kurse tash jep version tjetër.
Deputeti nga VV-ja tha se ata kanë të drejtë ta zhvlerësojnë punën e këtij Komisioni, pasi ata kanë tejkaluar mandatin nga ajo që kanë pasur detyrë e përgjegjësi.
Konjufca tha se konferenca e vërtetoi edhe argumentoi që Komisioni Shtetëror i Kosovës është mbështetur në kriter shumë të gabuar si kadastri.
“Ky është edhe problem i brendshëm sepse kjo tregon se si e konceptojnë Republikën. Pra copat e parcelave e përbëjnë republikën e andej ku nuk ka ngastra nuk është e jona”. /Lajmi.net/