Kjo konferencë vjen pas konferencës së Berlinit, të organizuar nga kancelarja gjermane, Angela Merkel, me synim nxitjen e bashkëpunimit ekonomik në mes të vendeve të rajonit, njofton Ministria e Punëve të Jashtme e Kosovës.

Konferenca “Western Balkans’ 6” do t’i zhvillojë punimet më 25 mars 2015, në “Swiss Diamond Hotel”, në Prishtinë.

Në mesin e pjesëmarrësve në konferencë do të jenë ministrat e jashtëm dhe ata të infrastrukturës të vendeve të rajonit, si dhe komisari i Bashkimit Evropian për Politikë të Fqinjësisë Evropiane dhe Negocim të Zgjerimit, Johanes Hahn, dhe komisarja evropiane për Transport, Violeta Bulc (përmes një video-mesazhi).