Komuna e Prishtinës: Fillon procesi mësimor në shkollat e Prishtinës (Foto)
Komuna e Prishtinës ka njoftuar se sot më 16 janar në të gjitha shkollat e nivelit të arsimit parauniversitar ka filluar procesi edukativo- arsimor (gjysmë vjetori i dytë) i vitit shkollor 2016/17.
Lajme
Drejtoria e Arsimit, në kohë optimale ka realizuar të gjitha përgatitjet e duhura për një proces të mbarë shkollor, duke krijuar kushte të përshtatshme për mësimdhënie dhe mësimnxënie.
Ndërsa drejtoresha e Arsimit, Arbërie Nagavci dhe zyrtarët e arsimit realizuan disa vizita në shkollat e Prishtinës, për të informuar nga afër me përgatitjet e bëra për fillimin e procesit mësimor.
Po ashtu, Nagavci së bashku më Ministrin e Arsimit, Arsim Bajramin, realizuan vizitë edhe në shkollën fillore “Iliria” ku i uruan nxënësve, mësimdhënësve dhe drejtuesve të shkollës një vit të mbarë dhe të suksesshëm.
Me këtë rast drejtoria e Arsimit, në funksion të ngritjes dhe përmirësimit të cilësisë në arsim, gjatë pushimit dimëror ka realizuar takime me aktivet e drejtor të shkollave të Komunës së Prishtinës, duke analizuar suksesin e gjysmëvjetorit të parë si dhe rezultatet e vlerësimit ndërkombëtar të PISA-së, duke propozuar sugjerime dhe rekomandime për tejkalimin e sfidave të paraqitura.
Gjithashtu, gjatë kësaj periudhe është formuar ekipi për ngritjen e cilësisë në arsim në nivel komune dhe njëkohësisht është përgatitur dokumenti dhe janë planifikuar takime me aktivet profesionale (seksionet) të shkollave ku do të mobilzohen në kryerjen e punëve dhe detyrave me përgjegjësi në funksion të ngritjes së cilës në arsim.