Komisioneri Hahn të martën viziton Maqedoninë – Lajmi.net
Komisioneri Hahn të martën viziton Maqedoninë
Autori: Lajmi.net LajmeRajoni 19:11, 20 March 2017
Komisioneri i BE-së për zgjerim, Johannes Hahn do të vizitojë të martën Maqedoninë, në një tjetër përpjekje për të ndihmuar zgjidhjen e krizës politike, e cila e ka lënë Maqedoninë për qeveri të ri, që prej zgjedhjeve të dhjetorit.

Grupi i quajtur “Për Maqedoninë e Bashkuar”, që mbështetë agjendën e partisë nacionaliste VMRO-DPMNE, të Nikola Gruevskit, ka thirrur protesta para zyrës së misionit të BE-së në Shkup, gjatë vizitës së Hahn.

Grupi thotë se dëshiron t’i dërgojë një “mesazh të qartë Hahnit”, se kundërshtojnë formimin e qeverisë e cila “rrënon karakterin unitar” të Maqedonisë. Ky grup thotë se një gjë e tillë bëhet nëse zyrtarizohet gjuha shqipe.

Tri parti shqiptare kanë kërkuar që gjuha shqipe të bëhet gjuha e dytë zytare. Ata e kanë vënë këtë kusht për çdo marrëveshje koalicioni.

Lideri i VMRO-s, Nikola Gruevski ka refuzuar këtë kërkesë. Ndërkaq, lideri socialdemokrat Zoran Zaev dëshiron që të formojë qeverinë me partitë shqiptare dhe të zyrtarizojë gjuhën shqipe.

Presidenti maqedonas, Gjorge Ivanov ka refuzuar që t’ia jap mandatin Zaevit për të formuar qeverinë, ndonëse ai ka dëshmuar se e ka shumicën parlamentare.

Ivanov thotë se çështja e gjuhës shqipe është përpjekje për të shkatërruar pavarësinë e Maqedonisë.

Fjalët kyçe: Hahn, Maqedoni, Vizitë

Fotolajm

Pandat gjigante mbushin 1 vjeç në Makao
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play Bubble Trouble
  • Play 8 Ball Pool
  • Play World Soccer Champion
  • Play Bow Master Japan