Roma është skuadra e vetme me bilanc pozitiv pas pesë xhirosh në Serie A. Skuadra nga kryeqyteti italian fitoi edhe në udhëtim te Sampdoria me rezultat 2-0 duke u shkëputur si e vetme në krye të tabelës, pas barazimit befasues të Napolit me Sassuolon, 1-1.

Mehdi Benatia dhe Gervinho shënuan në pjesën e dytë për fitoren e radhës për Giallorossët, të cilët e përfunduan duelin pa trajnerin Rudi Garcia i cili u përjashtua në minutën e 55-të.

Kurse, Napoli befasoi duke u ndalur në San Paolo nga skuadra e fundit në renditje. Blerim Xhemajli i kaloi vendasit në epërsi por Zaza barazoi shifrat për mysafirët që morën një pikë të madhe.

Kampioni në fuqi, Juventus fitoi me mjaft vështirësi në udhëtim te Chievo 2-1. Kurse, Milan barazoi si mysafir i Bolognas 3-3.

Rezultatet:

Bologna-Milan 3:3

Chievo-Juventus 1:2

Lazio-Catania 3:1

Livorno-Cagliari 1:1

Parma-Atalanta 4:3

Napoli-Sassuolo 1:1

Sampdoria-Roma 0:2

Torino-Verona 2:2

Inter-Fiorentina (e enjte)