Koke dhe Kasami mbi Fabregasin (Foto)
Mesfushori shqiptar i Olympiakosit, Pajtim Kasami, dhe ylli i Atletico Madridit, Koke, gjenden mbi anëtarin e Chelseas, Cesc Fabregas në listën e asistuesve më të mirë pas fazës së grupeve në Ligën e Kampionëve.
Sport
Cesc Fabregas ka shkëlqyer deri më tani në stinorin e tij të parë në Chelsea.
Spanjolli është larg para të tjerëve sa u përket asistimeve në Premierligë me 11 që mbajnë emrin e tij.
Mirëpo, ai nuk e kryeson renditjen në fazën e grupeve të Ligës së Kampionëve.
Fabregas dhe bashkëkombësi i tij Andres Iniesta, nga Barcelona, nuk janë emra të befasishëm në listën e pesë asistuesve më të mirë.
Atyre u bashkohet Hector Herrera nga Porto. Por, mbi ta janë mesfushori shqiptar i Olympiakosit, Pajtim Kasami, dhe mesfushori i Atletico Madridit, Koke.
Ylli spanjoll kryeson me katër, një më shumë se Kasami, i cili gjendet mbi Fabregasin për shkak të minutazhit më të vogël.