Klubi i Prodhuesve të Kosovës reagon ndaj skandalit të importimit të mishit nga Belgjika – Lajmi.net
Klubi i Prodhuesve të Kosovës reagon ndaj skandalit të importimit të mishit nga Belgjika
Autori: Lajmi.net LajmeNacionale 14:25, 14 March 2018
Klubi i Prodhuesve të Kosovës (KPK), përmes një komunikate për media ka reaguar për skandalin e importit të mishit nga Belgjika.

Në këtë reagim thuhet se ky skandal tregon qartë që produktet e importit lejohen të hyjnë në Kosovë me cilësi të dyshimtë dhe duke mos u zbatuar dhe respektuar standardet e kërkuara.

“Klubi i Prodhuesve të Kosovës (KPK) reagon ashpër lidhur me rrezikun e mos kontrollimit të produkteve ushqimore të cilat importohen në vendin tonë. Rasti i fundit i skandalit të mishit të importuar nga Belgjika në Kosovë tregon qartë që produktet e importit lejohen të hyjnë në vendin tonë me cilësi të dyshimtë duke mos zbatuar dhe respektuar standardet e kërkuara. Ky trajtim jo i duhur i produkteve të importuara jo vetëm që vë në rrezik mirëqenien dhe jetën e qytetarëve, mirëpo shkel edhe të gjitha parimet e konkurrencës në treg.

Me këtë rast Klubi i Prodhuesve të Kosovës ju bënë thirrje të gjithë autoriteteve dhe institucioneve të shtetit, siç është Agjencia e Ushqimit dhe Veterinarisë së Kosovës, që të shtojnë kujdesin në kontrollin e produkteve ushqimore të importuara në Kosovë.

Njëkohësisht, KPK i inkurajon dhe i fton të gjithë qytetarët që të konsumojnë më shumë produkte të prodhuara në vendin tonë, sepse prodhuesit Kosovar janë më të kontrolluar dhe shumë më shumë të kujdesshëm në cilësinë e prodhimit të produkteve ushqimore.

Produktet e importuara nuk e kanë trajtimin e njëjtë me prodhimet vendore, kontrolli i prodhimeve vendore është më rigoroz dhe cilësia e tyre është e garantuar. Produktet vendore dita ditës po dëshmojnë për kualitetin e tyre dhe prodhuesit vendor sigurojnë të gjithë qytetarët për cilësinë e prodhimeve të tyre. Linjat e prodhimit në vend i plotësojnë të gjitha standardet dhe janë të pajisur me teknologjinë e fundit, ku qytetarët mund të shkojnë që t’i vizitojnë të gjitha kompanitë prodhuese në vend dhe të binden me kushtet e prodhimit.

Klubi i Prodhuesve të Kosovës shpreson në bashkëpunimin me institucionet dhe në të njëjtën kohë kërkon angazhimin e në promovimin e vlerave të sektorit të prodhimit dhe luftimin e konkurrencës jo-lejale në vend.” thuhet më tej në këtë reagim./Lajmi.net/

Fotolajm

Rozana Radi provokon nga pasqyra, shfaq gjoksin më shumë se ç’duhet
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO