Klubi çek nuk luan me këtë skuadër shqiptare për shkak të kurdisjeve
Teuta kishte programuar ditën e djeshme një miqësore me Slavian e Pragës në Austri, por kjo nuk ka ndodhur.
Sport
Anullimi i ndeshjes nuk përbën ndonjë çudi, pasi diçka e tillë mund të ndodhë për arsye të ndryshme, por ekipi çek ka habitur me lajmërimin e bërë në uebsajtin zyrtar, ku shprehet se ndeshje me durrsakët është anuluar sepse ata janë nën hetim nga policia për ndeshjet e mëparshme, transmeton GazetaOlle.
“Ndeshja testuese me Teutën e Durrësit është anuluar. Arsyeja është hetimi që po i bën policia klubit shqiptar për ndeshjet e mëparshme”.
Një deklaratë e çuditshme, e cila tashmë pritet të gjejë edhe reagimin zyrtar të durrsakëve, të cilët po përgatiten për ndeshjen e datës 30 qershor me Kairat Almatin për turin e parë të Ligës së Evropës.
