Klopp tregon për veprimin e mençur të drejtuesve të Liverpool që po i ndihmon skuadrës
Drejtuesit e Liverpool shpeshherë kanë ditur të bëjnë veprime që nuk u kanë pëlqyer aspak tifozëve dhe trajnerëve të Liverpool, si shembulli me Torres, Suarez apo edhe Coutinho.
Sport
Por, trajneri gjerman, Jurgen Klopp, ka treguar për veprimin që sipas tij ishte shumë i zgjuar nga drejtuesit e skuadrës nga “Anfield”.
Sipas tij vazhdimi i kontratës me mbrojtësin e ri Joe Gomez ishte i jashtëzakonshëm.
“Që prej kur unë jam këtu, progresi është i jashtëzakonshëm. Kishte vonesa për shkak se ai ishte i lënduar nga një ndeshje e Anglisë U-21” ka thënë Klopp në konferencën e së hënës, para ndeshjes me Napolin, transmeton lajmi.net.
“E ardhmja është e ndritur për të. Jam shumë i lumtur që ai ka marrë këtë vendim, është mrekulli për ne, por mendoj që edhe për lojtarin. Ai dëshiron të jetë këtu kështu që mendoj se është vendim i mençur nga të dy palët” ka thënë tutje Klopp.
Mbrojtësi anglez ka qenë i jashtëzakonshëm duke luajtur krahas holandezit Van Dijk.
Mbrojtja e Liverpool ka qenë më stabile se asnjëherë gjatë viteve të fundit. /Lajmi.net/