Kjo është arsyeja e rënies së thellë të Bitcoin – Lajmi.net
Kjo është arsyeja e rënies së thellë të Bitcoin
Autori: Lajmi.net Auto & TekKriptovalutat 17:40, 3 February 2018
Bitcoin
Bitcoin
Bitcoin ra nën 9,000 dollarë këtë javë, përderisa rënia e tij dramatike vazhdoi edhe dy ditëve të fundit.

Vlera e kësaj kriptomonedhe arriti deri në 20,000 dollarë në dhjetor, me analistët që parashikuan se rritja e tij do të vazhdojë.

Ekspertët tani thonë se vlera e lartë e Bitcoin mund të ketë qenë rezultat i një manipulimi në treg, transmeton Gazeta Express.

Bitcoin ra 8% gjatë ditëve të fundit dhe më shumë se 21% gjatë muajit të fundit. Megjithatë, ai duket se ka filluar të rimarrë veten gjatë ditës së sotme, si rezultat i blerjeve në treg.

Ky aktivitet është duke ngritur shqetësime në mesin e rregullatorëve. Kriptomonedhat e tjera janë duke parë rënie edhe më të madhe. Litecoin, që dikur shihej si pasardhësi i Bitcoin, ka rënë për 50% gjatë muajit të fundit.

Connor Campbell, një analist në Spreadex, e përshkroi rënien si një “film horror” dhe theksoi se Komisioni Amerikan për Tregti është duke hetuar nëse rritja e kriptomonedhave erdhi si rezultat i manipulimeve në treg.

“Kriptomonedhat kanë pasur një javë horrori, si pasojë e ndryshimeve rregullative në Kore të Jugut dhe lajmeve se Facebook i ka bllokuar të gjitha reklamat rreth kriptomonedhave në faqen e tij”, tha ai.

Bashkë me Korenë e Jugut, rregullatorët në Kinë, Rusi dhe Indi janë duke shfaqur shqetësimet e tyre rreth Bitcoin. Banka e Gjermanisë – Bundesbank – ka bërë thirrje për një rregullim global të Bitcoin, përderisa ministri i financave të Francës ka kërkuar rregulla më strikte për kriptomonedhat.

Më herët këtë muaj, miliarderi amerikan Warren Buffett paralajmëroi se ngritja e Bitcoin do të ketë “një fund të keq”.

 

Fjalët kyçe: Bitcoin, kriptovaluta

Fotolajm

“Kulturë boksi” përpara Ministrisë së Kulturës në Prishtinë /FOTO
Foto, aparati për matjen e fuqisë së goditjes përpara Ministrisë së Kulturës në Prishtinë /lajmi.net ?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play Bow Master Japan
  • Play Rock Wheels
  • Play Supercar Showdown
  • Play 8 Ball Pool