Kjo dietë mund të jetë më e mirë për trurin sesa ushtrimet fizike – Lajmi.net
Kjo dietë mund të jetë më e mirë për trurin sesa ushtrimet fizike
Autori: Lajmi.net FitLifestyle 13:59, 26 March 2018
Hulumtimet kanë zbuluar se dietat me pak yndyrë mund të ndihmojnë në mbrojtjen e qelizave të trurit në vitet e vonshme të jetës dhe mënyra e tillë e të ushqyerit mund të jetë më efektive sesa ushtrimet fizike.

Dietat që kanë 40 për qind më pak kalori sesa sasia e rekomanduar e konsumimit besohet se e zvogëlon inflamacionin e qelizave të trurit dhe e mirëmban indin e trurit, transmeton Telegrafi.

Kjo është konstatuar falë hulumtimeve të kryera në Holandë, e të cilat janë publikuar në revistën prestigjioze ‘Frontiers in Molecular Neuroscience’.

Në veçanti shkencëtarët e kanë analizuar qelizën ‘Microglia’, e cila bën që organet të funksionojnë në mënyrë të duhur.

Dr. Bart Eggen, i cili e ka udhëhequr këtë studim, ka thënë:

“Obeziteti dhe plakja janë të përhapura gjithandej dhe po rriten anë e mbanë botës, por pasojat e sistemit nervor qendror nuk janë të njohura edhe aq mirë. Ne kemi parë se a ndikon kombinimi i ushtrimeve fizike me mënyrën e të ushqyerit në qelizën microglia”.

Sipas tij, plakja e microglias mund të parandalohej vetëm përmes ngrënies së dietave me pak yndyrë në kombinim me një sasi të kufizuar të kalorive.

Fjalët kyçe: Dietë, Tru, ushtrime fizike

Fotolajm

“Kulturë boksi” përpara Ministrisë së Kulturës në Prishtinë /FOTO
Foto, aparati për matjen e fuqisë së goditjes përpara Ministrisë së Kulturës në Prishtinë /lajmi.net ?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play iStunt 2
  • Play Stealth Sniper
  • Play Rock Wheels
  • Play Supercar Showdown