Këto janë katër problemet kryesore me të cilat po përballet Spanja
Disfata e pësuar nga Kroacia, ka lënë skuadrën e Luis Enriques në një pozitë aspak të favorshme.
Sport
Pas ndeshjes, trajneri ka thënë se nuk ka asgjë për të përmirësuar, megjithatë, duket se skuadra po çalon në disa aspekte.
Porta: Enrique i doli në mbrojtje portierit David de Gea. E vërteta është se portieri nuk është i njëjti në kombëtare sikur ai që është në United. Ai nuk reagoi edhe mjaftë mirë në golin e dytë të Tin Jedvaj. Arrizabalaga është në pritje të mundësisë së tij.
Mbrojtja: Krahu i djathtë është problemi kryesorë, si pasojë e mungesës së Carvajal. Zëvendësuesi i tij për ndeshjen e mbrëmshme, Sergi Roberto, ishte personazhi tragjik në golin e parë të realizuar nga Rebic. Gjithashtu Inigo Martinez luajti mirë krahas Ramos, por Enrique është ende në kërkim të “Piques së ri”. Çështja e mbrojtjes është më e hapur se kurrë.
Sulmi: Kjo skuadër duket se nuk ka problem me golat. Në pesë ndeshje ka realizuar plot 16 herë. Megjithatë vetëm gjashtë gola kanë ardhur nga sulmuesit.
Mungesa e liderit: Pas përfundimit të Kupës së Botës, Isco u cilësua si lideri që duhet të marrë skuadrën në krahë. Largimi i Iniestas la hapësira të mëdha tek “stuhia e kuqe”. Duket se Isco nuk është ende i aftë të barti përgjegjësinë e kombëtares. /Lajmi.net/