Diplomatët nga Shtetet e Bashkuara, Mbretëria e Bashkuar, Franca, Kina, Rusia dhe Gjermania, më në fund kanë arritur një marrëveshje me Iranin që do të duhej të parandalonte zhvillimin e armëve bërthamore të Iranit, transmeton lajmi.net.

Në shkëmbim të programit të kufizuar bërthamor, Irani do të lirohet nga sanksionet ekonomike dhe do të lejohet të vazhdojë zhvillimin e një programi paqësor bërthamor.

Këto janë 5 gjërat më të rëndësishme në lidhje me marrëveshjen bërthamore me Iranin.

Detajet

Edhe nëse marrëveshja përfundimtare nuk është shfaqur ende, ministria e punëve të jashtme të Rusisë ka publikuar një dokument të quajtur “Plani i Përbashkët i Veprimit”, për të cilin thonë se është versioni përfundimtar i marrëveshjes bërthamore.

Frika është motivues i madh

Siç ka thënë Federica Mogherini, përfaqësuesja e lartë e komisionit evropian për diplomaci, siguria e botës ka qenë në rrezik.

Motivi më i madh për të arritur marrëveshje bërthamore është frika. Frika për komplikimin e situatës në Lindjen e Mesme, është fakti se Irani ka mundur të posedojë bombë bërthamore. Derisa diplomacia izraelite ka përdorur gjitha mjetet për të ndikuar në rezultatin e negociatave. Kryeministri Benjamin Netanyahu ka deklaruar se Irani është i ngjashëm me terroristët e Shtetit Islamik.

Propozimet, sugjerimet

Liderët perëndimorë kanë propozuar një marrëveshje që parandalon Iranin në zhvillimin e armëve bërthamore për të paktën dhjetë vjet. Marrëveshja do të duhej të kërkonte inspektim të rregullt të objekteve bërthamore të Iranit. Nga ana tjetër, Irani ka kërkuar pezullimin e menjëhershëm të sanksioneve ekonomike dhe vazhdimin e zhvillimin paqësorë bërthamorë.

Çmimet e karburanteve

Ekspertët me të cilët ka folur CNN, pretendojnë se çmimet e naftës së papërpunuar  në tregun botëror do të bien. Çmimet e fuqisë së naftës tashmë kanë rënë për më shumë se 2 %. Disa ekspertë thonë se Irani ka mbi 30 milionë fuqi të naftës të gatshme për shitje.

Çka tani?

Presidenti amerikan Barack Obama tani duhet ti jep Kongresit qasje mbi marrëveshjen e arritur. Në anën tjetër, kongresi i ka 60 ditë në dispozicion për të shqyrtuar marrëveshjen, që do të duhej të kishte më shumë kohë për kundërshtarët e marrëveshjes për të ndarë mendimin e kundërt.

Në Teheran, Ajatollah Ali Khamenei duhet të mbështesë marrëveshjen. Mbështetja e tij është jashtëzakonisht e rëndësishme, sepse në parlamentin e Iranit ekziston një linjë e ashpër që është jashtëzakonisht e kujdesshme në raport me SHBA-të dhe fuqitë tjera perëndimore. Një sjellje e tillë është e kuptueshme për shkak të dekadave të tensionit dhe mosbesimit. Një nga ngjarjet më të rëndësishme në histori e viteve të fundit të Iranit, është përmbysja e presidentit të zgjedhur Muhamed Musadek të organizuar nga CIA. /lajmi.net