Por ja si t’a zgjidhni problemin me mushkonjat në një mënyrë e cila nuk do t’ju kushtojë shumë. Duke mbjellur këto bimë pranë shtëpisë suaj do të shpëtoni nga ‘sulmi’ i tyre njëherë e përgjithmonë.

1. Trumza

Nëse ende s’keni dëgjuar rreth saj atëherë bëni mirë t’a kërkoni, pasi studimi i kryer nga Universiteti i Guelfit në Ontario ka treguar së trumza është e aftë të largojë mushkonjat në 62% të rasteve. Është e pabesueshme se si ajo i pengon mushkonjat edhe nëse ju do të dëshironit t’i mbanit larg gjatë një pikniku.

2. Levanda

Ajo është një nga ato bime e cila dhuron një qetësi dhe relakson me prezencën e saj. Levanda nuk mban larg vetëm mushkonjat por edhe shumë insekte të tjera të cilat shëtisin gjatë verës. Mos u ndalni me kaq, por përdoreni atë edhe në çaj ose për të mbajtur larg ankthin, për të qetësuar stomakun apo shtojani edhe kremrave të trupit për të parandaluar irritimet.

3. Borziloku

Përveçse t’a përdorni në gatim, borzilokun mund t’a mbillni kudo. Brenda apo edhe jashtë shtëpisë suaj pasi ajo nuk kërkon kushte të veçanta për t’u rritur. Nëse doni t’i mbani larg mushkonjat atëherë shtojeni këtë bimë në shtëpinë tuaj.

4. Menteja

Bima e mentes ka shumë variacione por ne ju këshillojmë të gjeni njërën prej tyre për t’i larguar mushkonjat nga territori juaj. Nëse doni t’a keni atë në shtëpinë tuaj atëherë do të bënit mirë t’a vendosnit në një vazo mesatare, pasi e mbjellur në tokë mund të shtrijë rrënjët e saj gjithkund e të zërë gjithë hapësirën e kopshtit tuaj. Përdoreni atë si çaj për dhimbjet menstruale apo problemet me tretjen.

5. Marigold

Ajo bën pjesë në familjen e margaritave dhe ka një lulë shumë të bukur dhe shumëngjyrëshe. Me anë të aromës së saj unike ajo mban larg insektet e mbi të gjitha mushkonjat, të cilat duhet të mendohen mirë para se t’i afrohen shtëpisë suaj.

6. Rozmarina

Jo vetëm një bimë aromatike e cila përdoret gjerë në gatim apo edhe në detergjentët pastrues, por është edhe gjithashtu edhe tmerri i insekteve. Nëse ende nuk e dini, nuhatja e bimës së rozmarinës shton përqëndrimin dhe forcon memorjen deri në 75%.

7. Hudhra

Bima e cila n’a mbron nga shumë infeksione nuk mban larg vetëm insektet vampire. Mbjellja e saj në kopshtin tuaj është metoda më natyrale edhe për mbajtjen larg të bimëve të tjera që rriten në tokë dhe e dëmtojnë shëndetin tuaj.

Ja si të shëroni pickimin e mushkonjave!

1. Përdorni lëkurën e bananes në vendin ku ju kanë pickuar mushkonjat dhe shumë shpejt nuk do ndieni shqetësim.

2. Nëse s’ju gjendet lëkurë bananeje, atëherë provoni uthullën e mollës e cila do shmang krijimin e një plage nga pickimi.