Gjithashtu, KMShK miratoi ankesën e kompanisë IPKO kundër portalit Kosovaime.tv lidhur me artikullin “Si po mashtron IPKO me çmime të cilat po ua zbrazin xhepat qytetarëve”. Kjo ankesë u miratua pasi KMShK vendosi se portali ka shkelur Kreun II (Raportimi i së vërtetës), dhe Kreun IV (E drejta për t’u përgjigjur) të Kodit të Mediave të Shkruara të Kosovës.

KMShK në mbledhjen e sotme miratoi edhe 7 ankesa të Devolli Group kundër gazetës Kosova Sot për shkelje të Kreut II (Raportimi i së vërtetës), dhe Kreut IV (E drejta për t’u përgjigjur).

Zyra e KMShK-së me ndërmjetësim ka zgjidhur ankesën në të cilën Qendra Informative e BKS-së ka kërkuar botimin e reagimit lidhur me artikullin “Tenderi milionësh i Byros Kosovare të Sigurimit” të botuar në gazetën Zëri. Gazeta Zëri e ka botuar reagimin, me çka ka plotësuar kërkesën e ankuesit.