Kërkohet zgjerim bashkëpunimi në mes të Kosovës dhe Portugalisë
Presidentja e Kosovës, Atifete Jahjaga, priti sot në takim ambasadoren e re të Portugalisë në Hungari, jorezidente për Kosovën, Maria Jose Morais Pires, e cila i dorëzoi letrat kredenciale.
Lajme
“Presidentja Jahjaga vlerësoi marrëdhëniet dhe bashkëpunimin midis Republikës së Kosovës dhe Republikës së Portugalisë dhe theksoi rëndësinë e zgjerimit të këtij bashkëpunimit në të gjitha fushat me interes të ndërsjellë”, thuhet në njoftim, raporton lajmi.net.
Jahjaga e uroi ambasadoren Morais Pires për detyrën e re, duke i dëshiruar punë të suksesshme gjatë mandatit të saj si ambasadore jorezidente e Portugalisë në Republikën e Kosovës.
Ambasadorja Morais Pires shprehu përkushtimin e institucioneve të Republikës së Portugalisë për thellimin e bashkëpunimit me institucionet e Republikës së Kosovës në çdo sferë me interes për të dyja vendet./lajmi.net.