Kërkohet gjak i të gjitha grupeve për të lënduarit nga aksidenti në Maqedoni

Si pasojë e aksidentit 15 persona mbetën të vdekur dhe disa të tjerë ende janë në gjendje kritike.

Lajme

15/02/2019 08:17

Nga spitali ”8 Shtatori” në Shkup është bërë e ditur se ka mungesa të të gjitha llojeve të grupeve të gjakut, të nevojshme për të shpëtuar të lënduarit nga aksidenti tragjik që ndodhi në autostradën Shkup-Tetovë.

Ndaj edhe apelohet tek të gjithë ata të cilët kanë mundësi dhe duan të dhurojnë gjak ta bëjnë këtë për të ndihmuar të lënduarit e mbijetuar pas aksidentit të mbrëmshëm ku një autobus përfundoi i rrokullisur.

 

Si pasojë 15 persona mbetën të vdekur dhe disa të tjerë ende janë në gjendje kritike.