Kërcënon Iljia Nestorovski: Pyeteni Etrit Berishën për mua – Lajmi.net
Kërcënon Iljia Nestorovski: Pyeteni Etrit Berishën për mua
Autori: Lajmi.net Botërori FIFA 2018Lajme futbolliSport 18:04, 4 September 2017
Sulmuesi i Maqedonisë, Iljia Nestorovski, i ka hedhur dorashkën e sfidës portierit të përfaqësues shqiptare, Etrit Berisha, duke kujtuar sot në konferencën për shtyp se gardiani i kuqezinjve nuk ishte i pakalueshëm.

“Pyeteni Berishën, më duket se me njeh shumë mirë. Disa muaj më parë i kam shënuar një gol në ndeshjen mes Palermos dhe Atalantës”, tha Nestorovski i cili luan me skuadrën e Palermos. Sulmuesi i referohej ndeshjes së javës së 6 të sezonit të kaluar në kampionatin italian të futbollit, kur Palermo fitoi në transfertë me shifrat 1-0 falë golit të tij. Në atë ndeshje, e cila ishte e dyta për Berishën me fanellën e Atalantës, ai realizoi në minutën e 89-të me një prekje të zgjuar pas një goditje këndi duke dërguar topin në rrjetë.

“Pas fitores ndaj Izraelit, atmosfera në ekip është në nivelet më të larta dhe shpresoj që të përsëritim një paraqitje edhe më të mirë në duelin e nesërm. Bashkë me kapitenin Pandev, jemi të lumtur që mesfushorët po punojnë në nivelin e kërkuar dhe shpresoj që nesër të kemi pasime në dispozicion nga ata, në mënyrë që të rrezikojmë portën kundërshtare”, shtoi Nestorovski në sallën e konferencave.

Fjalët kyçe: Iljia Nestorovski

Fotolajm

Pandat gjigante mbushin 1 vjeç në Makao
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play Rock Wheels
  • Play 8 Ball Pool
  • Play World Soccer Champion
  • Play Bow Master Japan