Meti Koçiu, mbështetës i Partisë Demokratike thotë se mbrëmjen e djeshme e ka telefonuar Niko Peleshi dhe e ka kërcënuar atë dhe familjen e tij. “Me tha: do ta shikosh çfarë do të heqësh ti dhe familja jote”, thotë denoncuesi Koçiu.

Denoncuesi fillimisht ka debatuar me disa militantë socialistë për çështjen e blerjes së votave në zonën e Maliqit, dhe pas kësaj ka marrë telefonatën e ish-zëvendës kryeministrit Niko Peleshi.

I kontaktuar nga “News 24”, Niko Peleshi nuk ka pranuar të reagojë në lidhje me video denoncimin e sekretarit të QV Kolanec Meti Koçiu, i cili pretendon se është kërcënuar nga ish-zv/ kryeministri.