Zyrtarët e policisë thanë se autobusi me 60 udhëtarë në kryeqytetin, Najrobi, ishte rrëmbyer sot herët në mëngjes, afër kufirit me Somalinë.

Zyrtarët thanë se personat e vrarë ishin shërbyes civilë, që ishin nisur për Najrobi për pushime me rastin e Krishlindjeve.

Kenia është goditur nga një seri e sulmeve me armë dhe bomba, për të cilat fajësohen militantët e grupit somalez, Al-Shabab, i ndërlidhur me al-Kaidën, prej se Kenia i ka dërguar trupat e veta në Somali, në vitin 2011.

Autoritetet thonë se prej atëherë kanë ndodhur se paku 135 sulme në Kenia, përfshirë edhe atë në qendrën tregtare Westgate, me ç’rast ishin vrarë 67 vetë.

Grupi Al-Shabab e pat marrë përgjegjësinë për sulmin në këtë qendër tregtare në shtator të vitit të kaluar. /REL/