Katy Perry do të shkruajë këngën e fushatës për Hillary Clinton
Katy Perry i ka ofruar ish-sekretares së shtetit Hillary Clinton të shkruajë këngën për fushatën nëse Clinton do të kandidojë për presidente në vitin 2016.
ShowBiz
Këngëtarja Katy Perry është takuar me zonjën Hillary Clinton në një takim në Amerikë dhe ka bërë një foto me të duke mbajtur librin e saj në dorë.
Ajo ka postuar foton në Instagram duke i dhënë mbështetje të plotë ish-sekretares, tani edhe kandidates së mundshme për presidente të SHBA-ve.
Perry madje ka propozuar ofertën në profilin e saj në Twitter duke shkruar ‘I kam thënë Hillary Clinton se do të shkruaja një këngë për të nëse asaj i duhet’.
Ndërsa zonja Clinton i është përgjigjur ‘Kjo nuk është zgjedhje e rëndë. Ti tanimë e ke bërë këtë! Na lejo që ende të vazhdojmë të ta dëgjojmë zërin’, duke iu adresuar këngës së suksesshme dhe inspiruese ‘Roar’.