Katër muaj nga vrasja e Oliver Ivanoviqit, asnjë rezultat
Nesër bëhen katër muaj nga vrasja e udhëheqësit të SDP, Oliver Ivanoviq në Mitrovicën veriore dhe deri tani nuk ka asgjë në drejtim të zbardhjes së hetimeve.
Lajme
“Jemi të zhgënjyer dhe të zëmëruar, edhe pse ne nga dita e parë e kemi pohuar se vrasësi nuk do të gjenden”, ka thënë një zyrtare e SDP-së, Ksenija Bozhoviq, transmeton lajmi.net.
Sipas saj hetimet çdo herë e më shumë po zbehen, ndërsa Zyra e Prokurorisë Speciale i thërret dëshmitarët që tashmë janë ekzaminuar nga Prokuroria Themelore.
“Nuk kam asgjë për të thënë, kanë kaluar katër muaj dhe nuk ka përparim”, tha ajo duke shtuar se vetëm “transferimi i topit” nga Beogradi në Prishtinë u dëgjua dhe anasjelltas.
Sipas saj, Beogradi ka thënë të merret me rastin, Prishtina e ndaloi ndërsa përfaqësuesit ndërkombëtar kanë heshtur.
Ajo ka bërë të ditur se një rrugë në Mitrovicën e veriut të thirret në emrin e Ivanoviqit, tek ka thënë se 1500 nënshkrime janë mbledhur, shkruan b92.
Kujtojmë, se Oliver Ivanoviq u vra më 16 janar përpara ndërtesave të qeverisë së SDP me gjashtë plumba. /Lajmi.net/