Kabul: Të paktën pesë persona vriten nga një sulm vetëvrasës

Të paktën pesë persona janë vrarë në një sulm vetëvrasës me bombë, pranë një ndërtese qeveritare në Kabul të Afganistanit, kanë njoftuar zyrtarët.

Bota

15/07/2018 16:23

Shpërthimi i sotëm ndodhi pranë Ministrisë për Zhvillim Rural, ka thënë për agjencinë AFP, zëdhënësi i policisë, Hashmat Stanikzai.

Fraidon Azhand, zëdhënës i Ministrisë së Zhvillimit Rurual ka konfirmuar sulmin, duke thënë se informacionet e para sugjerojnë se të paktën pesë persona janë vrarë.

“Një sulmues vetëvrasës ka shpërthyer jelekun e tij me eksplozivë pranë portës së ministrisë. Cak i sulmit kanë qenë pjesëtarët e stafit të ministrisë, të cilët po dilnin nga ndërtesa për të shkuar në shtëpi”, ka thënë ai.