Jep dorëheqje zëvendësministri i drejtësisë Lirak Çelaj
Lirak Çelaj ka dhënë dorëheqje nga posti i tij si Zëvendësministër i Drejtësisë.
Lajme
Arsyeja e kësaj dorëheqje mësohet të jetë angazhimi i tij në Partinë Demokratike të Kosovës në Prishtinë.
Lajmin e ka konfirmuar vetë Çelaj, me anë të një postimi në facebook, transmeton lajmi.net
Lexo postimin e Lirak Çelajt:
Të nderuar,
Në koordinim me Kryetarin e PDK-së z. Kadri Veseli, sot dorëzova dorëheqjen time nga pozita e Zëvendësministrit të Drejtësisë.
Për arsye se dua të angazhohem më shumë në fitoren e PDK-së në Prishtinë meqë sivjet është vit i zgjedhjeve lokale, poashtu për shkak të angazhimeve të reja në parti qe më kanë dal pasi jam zgjedhur edhe anëtar i Kryesisë Qendrore të PDK.
Dua të falënderoj të gjithë stafin e Ministrisë së Drejtësisë dhe poashtu ish-Ministrin e Drejtësisë z. Hajredin Kuçi dhe Ministren e Drejtësisë znj. Dhurata Hoxhën si dhe gjithë stafin e Ministrisë së Drejtësisë për përkrahjen dhe bashkëpunimin e vazhdueshëm.