Jeni lodhur nga Bitcoin? Këto janë pesë kriptovalutat që duhet ndjekur këtë vit – Lajmi.net
Jeni lodhur nga Bitcoin? Këto janë pesë kriptovalutat që duhet ndjekur këtë vit
Autori: Lajmi.net Auto & TekKriptovalutat 23:57, 17 January 2018
Bitcoin pati një vit të jashtëzakonshëm me një rritje mbi 1,700 për qind, por nuk ishte kriptovaluta më fitimprurëse e vitit 2017.

Investopedia iu sjell kriptovalutat që po performojnë më mirë se Bitcoin që duhet shikuar gjatë vitit 2018, shkruan Telegrafi.

Ripple

Ripple është ‘bestseller’ në mesin e pesë kriptovalutave më të mëdha. Kjo monedhë nga një pjesë e një centi (0.006523 dollarë) aktualisht tregtohet me 3.21 dollarë, deri më tani është rritur 35 mijë për qind apo 350 herë në vlerë. Me kapitalin e saj të tregut prej 124 miliardë dollarësh, Ripple kaloi konkurrencën për t’u bërë kriptovaluta e dytë më e vlefshme në botë pas Bitcoin.

Ethereum

Ethereum është kriptovaluta e tretë më e madhe me një kapital të tregut prej 98.7 miliardë dollarësh. E vlefshme vetëm 8 dollarë në fillim të vitit të kaluar, tash kjo monedhë është rritur 150 herë.

Blockchain i Ethereum është bërë platforma më e zakonshme për ofertat fillestare të monedhave (ICO). Nga pikëpamja e përdoruesit, Bitcoin është vetëm një sistem pagesash, ndërsa Ethereum u jep përdoruesve aftësinë për të shkruar programe të bazuara në portofol, të cilat janë të dobishëm për ICO-të.

Kjo kriptovalutë është programuar nga Vitalik Buterin, një programues ruso-kanadez.

Bitcoin Cash

Bitcoini origjinal u nda në Bitcoin Cash, Bitcoin Gold dhe B2X.

Duke u ndarë nga Bitcoin, Bitcoin Cash ka rritur madhësinë e blloqeve nga një megabajt [është shumëfish i njësisë bajt për informacion dixhital] deri në tetë Bitcoin, është më i shpejtë se Bitcoin dhe ka tarifë të vogël për transaksion.

Megjithatë, shpesh kritikohet se është tepër e centralizuar. Shumica e minierave të Bitcoin Cash janë bërë në Kore të Jugut, ku shumica e argumenteve thonë se janë në pronësi të vetëm dy njerëzve, Jihan Wu dhe Roger Ver.

Cardano

Cardano në thelb është një Blockchain që punon si një kriptovalutë dhe si një platformë për kontratat e zgjuara dixhitale. Qëllimi i saj është të bëhët ‘projekti i parë që duhet të zhvillohet nga një filozofi shkencore’.

Kjo kriptovalutë misterioze ka gëzuar rritje të madhe që kur u publikua më 1 tetor 2017. Sot tregtohet me 1 dollar nga 0.02 dollarë që e kishte vlerën fillestare.

Litecoin

Filloi në vitin 2011 me qëllim që të ishte ‘argjendi’ për ‘arin’ e Bitcoin.

Është zhvilluar për të përmirësuar mangësitë e Bitcoin dhe ka fituar mbështetjen e tregut së bashku me vëllimin e lartë të tregtisë dhe të likuiditetit. Litecoin është projektuar për të prodhuar një maksimum prej 84 milionë monedha, katër herë më shumë se Bitcoin.

Aktualisht një Litecoin tregtohet 253 dollarë, me një rritje prej 5,500 për qind krahasuar me një vit më herët.

Fotolajm

Rozana Radi provokon nga pasqyra, shfaq gjoksin më shumë se ç’duhet
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO