Ja sa njerëz i ka vrarë ISIS që nga viti i kaluar (FOTO)
Militantët e ISIS-it i kanë vrarë më shumë se 3,500 njerëz, përfshirë 2,000 civilë, në Siri që nga qershori i vitit të kaluar.
Lajme
Syrian Observatory për të Drejtat e Njeriut me seli në Britani, ka thënë se qysh nga pushtimi i disa pjesëve të Sirisë dhe deklarimin e tyre si ‘kalifat’, grupi terrorist i ka ekzekutuar 3,591 njerëz, disa prej të cilëve janë vrarë vetëm për shkak se ishin homoseksual, magjistar, apo bashkëpunonin me forcat ushtarake të SHBA-së, raporton lajmi.net.
Gjysma e 2,000 civilëve të vrarë ishin anëtar të fisit Suni Shaitat nga pjesa veri-lindore e Deir Ezzor.
Fiset ishin ekzekutuar në masë kur ata e kishin kundërshtuar Isis-in.
Veç këtyre, Isis i ka vrarë edhe 415 anëtarë të saj për krime si spiunazhi apo dezertimi.
Isis, i cili i ka rreth 30,000 deri në 50,000 anëtar, është akuzuar nga Kombet e Bashkuara për krim kundër njerëzimit.
Ajo në mënyrë rutinore kryen vepra penale si rrëmbime, përdhunime, prerje kokash etj.
Syrian Observatory i merr të dhënat e saj nga një rrjet i aktivistëve, nga stafi mjekësor dhe nga luftëtarët tokësor në Siri dhe Irak. /lajmi.net