Ja pse duhet të konsumoni çaj të gjelbërt
Ekspertët dentarë rekomandojnë çajin e gjelbërt për arsye se i mban dhëmbët të shëndetshëm, të fortë dhe të ndritshëm.
Lifestyle
Shumë studime e kanë vërtetuar se çaji i gjelbërt është i dobishëm për shëndetin e së fundmi ekspertët kanë treguar se çfarë të mira i sjell gojës suaj, transmeton lajmi.net
Mban dhëmbët të bardhë:
Taninet në çaj besohet se i sjellin dhëmbëve ngjyrë të mbyllët, por çaji i gjelbërt ka përqëndrim më të vogël të tanineve se llojet e tjera të çajit dhe kafesë. Kjo bën që ky çaj ndihmon që dhëmbët tuaj të jenë të bardhë.
Forcon smaltin e dhëmbit:
Çaji i gjelbërt është burim i shkëlqyer i flourit, i cili ndihmon që dhëmbët të jenë më të shëndetshëm dhe ju siguron bardhësi dhe fortësi.
Mban mishin e dhëmbëve të shëndetshëm:
Përbërjet e shkëlqyera anti-inflamatore ndihmojnë që të mbajnë mishin e dhëmbëve të shëndetshëm.
Largon erën e keqe të gojës:
Sipas ekspertëve çaji i gjelbërt eleminon mikrobet nga goja që e bëjnë gojën të ketë erë të keqe.
Dhe e fundit e sigurisht edhe më e rëndësishmja:
Parandalon kancerin oral:
I mbushur me anti-oksidant, është gjetur se çaji i gjelbërt parandalon dëmtimet e qelizave të gojës. Një studim në Universitetin e Teksasit ka gjetur se çaji i gjelbërt ka ngadalësuar përparimin e kancerit oral tek pacientët. E provat tek kafshët kanë gjetur gjithashtu se ky çaj pengon rritjen e qelizave të kancerit.
Përfitimet shëndetësore nga çaji i gjelbërt janë mjaft të mëdha, megjithatë duhet të konsumohet në mënyrë të moderuar, pra, jo më shumë se 3 gota në ditë./lajmi.net