Dje, ka rrjedhur një fotografi ku nënkryetari i PDK-së, Xhavit Haliti dhe nënkryetarja e Vetëvendosjes, Aida Dërguti shihnin bashkë ndeshjen ndërmjet Shqipërisë dhe Rumanisë.

Sqarimi i plotë i Dërgutit:

Delegacioni i Kuvendit të Shqipërisë (i përbërë nga Valentina Leskaj- Nënkryetare, Namik Dokle-deputet dhe Eduard Shalsi-deputet) dhe delegacioni i Kuvendit të Kosovës (Xhavit Haliti dhe unë), gjatë kësaj jave po ndjekin punimet e Asamblesë Parlamentare të Këshillit të Evropës në Strasburg. Rastisi këtë javë dhe ndeshja e Kombëtares me Rumaninë, e cila na bashkoi të dy delegacionet në shtëpinë e bashkatdhetarëve tanë, familjes Krasniqi.

Fitorja e Kombëtares dhe mirëpritja e familjes e bënë këtë mbrëmje të paharruar. Falemnderit shumë!