Ja arsyet pse mishi i kuq është kthyer në ‘armik’ për njeriun

Mishi ka qenë ndër shekuj një nga ushqimet më të çmuara për njeriun. Vaktet pa mish janë konsideruar të varfra dhe të pamjaftueshme.

Fun

24/05/2017 10:53

Kohë më parë, të gjeje mish ishte shumë e vështirë, pavarësisht se ai që gjendej ishte mjaft cilësor.

Por sot mishi i kuq është një burim antibiotikesh dhe hormonesh të përdorura në trajtimin e kafshës gjatë rritjes së saj. Sot mishi mund të gjendet me shumicë, dhe pikërisht konsumi i tepërt i tij e ka kthyer atë në një nga produktet me të rrezikshme për shëndetin.

Konsumi i përditshëm i mishit të kuq, sot ndikon negativisht në shëndetin kardiovaskular. Ai është i lidhur drejtpërdrejt me shfaqjen e kancerit të zorrës së trashë. Mjekët dhe dietologët shprehen se përdorimi i tepërt i mishit, ka rritur rezistencën ndaj antibiotikeve duke na bërë më të dobët ndaj patogjeneve. Prandaj dy këshillat që duhet të keni parasysh kur përdorni mishin e kuq janë:

– Mos konsumoni më shumë se 250 gram mish në muaj.
– Zgjidheni mishin të patrajtuar me hormone dhe antibiotikë. Kërkoni mish të rritur me ushqime natyrale, kullota të gjelbërta dhe jo hormone.