Isufi, njëherësh deputet i Kuvendit të Kosovës, ka thënë në televizionin T7, se e vetmja parti që mund t’i imponojë zgjedhjet është Partia Demokratike e Kosovës.

“Është pjesë e qeverisë, ka një mundësi që me partitë opozitare ta bëjë këtë”, ka arsyetuar Isufi deklaratën e tij.

“S’kemi parë gatishmëri të tillë (nga PDK’ja), ky koalicion po funksionon mjaft mirë”, ka theksuar ai.

Ai e ka vlerësuar të panevojshme mbajtjen e zgjedhjeve. “Nuk ka situatë për të pasur zgjedhje”, ka deklaruar ai në T7.

“Zgjedhjet veç kanë ndodhur, 6-7 muaj përpara”, ka theksuar Isufi.