Islam Pacolli: Ngjarja ishte e inskenuar, nuk kam rrahur asnjë polic – Lajmi.net
Islam Pacolli: Ngjarja ishte e inskenuar, nuk kam rrahur asnjë polic
Autori: Lajmi.net LajmeNacionale 11:52, 14 June 2018
Deputeti nga rradhët e AKR-së, Islam Pacolli, i cili ditë më parë u përfshi në një incident me zyrtarin policor afër ndërtesës së ministrisë së Drejtësisë, ka folur sot në seancën e Kuvendit lidhur me këtë ngjarje.

Sipas Pacollit, e gjitha ajo ngjarje ishte një inskenim dhe se atij i është ndaluar hyrja në objektin qeveritar edhe pse i kishte të gjitha dokumentet e nevojshme, shkruan lajmi.net.

“Ka pasur raportime se gjoja unë kam rrah  një polic, kjo nuk është aspak e vërtetë,  kjo është inskenim, e vërteta është se unë kam dashtë me hy në objektin qeveritar me të gjitha dokumentet, mirëpo ai nuk më ka lejuar. U bëj thirrje mediave që mos të bëjnë propagandë, koha do ta tregojë dhe ligji do të funksionojë. Është mirë që kjo të sqarohet, ata njerëz që janë në institucionet e Kosovës duhet me i respektu ligjet e institucioneve të Kosovës”, u shpreh Pacolli.

Ndryshe, Policia e Kosovës njoftoi dje se deputeti i përfshirë në incident do të ftohet nga prokuroria për të dhënë versionin e tij lidhur me këtë ngjarje./Lajmi.net/

Lexo edhe:

Islam Pacolli mohon se e ka sulmuar zyrtarin e sigurisë në Ministrinë e Drejtësisë

 

Fotolajm

Rita, Dua dhe Era.
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO