Rrjeti televiziv Afaq al-Irak njoftoi se ISIS ka vendosur të largoj disa ajete të Kuranit, të cilat i konsideron të jenë të shtrembëruara. 

Grupi ekstremist thuhet se ka thënë se këto ajete janë shtrembëruar nga disa klerikë në mënyrë që t’u shërbejë agjendës së tyre politike apo interesave të feve të tjera, si krishterimit. 

El-Kafira (Mosbesimtarët) dhe ajeti i Tat’hir (pastrimit) në suren El-Ahzab janë ndër pjesët e Kuranit të cilat ISIS dëshiron t’i heqë.

Grupi Tekfiristë pretendon se kërkon të pastrojë Islamin dhe me këtë ta bëjë të pastër përsëri, raporton Telegrafi. 

ISIS erdhi në qendër të vëmendjes kur militantë që i përkasin grupit terrorist mori kontrollin e qytetit irakian të Mosulit më 10 qershor 2014, i cili u pasua nga rënia e Tikritit, që ndodhet 140 kilometra në veriperëndim të Bagdadit. 

Më shumë se një milion njerëz janë zhvendosur në Irak deri më tani këtë vit, sipas Kombeve të Bashkuara. 

ISIS ka premtuar të vazhdojë sulmin e tij ndaj Bagdadit.

Kryeministri i Irakut, Nuri al-Maliki ka thënë se forcat e sigurimit të vendit do të përballen me terroristët, duke e quajtur konfiskimin e Mosulit një konspiracion. 

Ushtarët e ushtrisë së Irakut kanë qenë të angazhuar në luftimeve të ashpra me militantët në fronte të ndryshme dhe deri më tani kanë qenë në gjendje të largojnë militantët nga disa vende. 

Nuri al-Maliki ka thënë se Arabia Saudite dhe Katari janë përgjegjës për krizën e sigurisë dhe terrorizmit në rritje në vendin e tij, duke denoncuar regjimin Al Saud, si një mbështetës i madh.