Ish gjyqtari spanjoll thotë se goli i anuluar i Ajaxit ishte i rregullt
Goli i anuluar i Ajaxit kundër Real Madridit vazhdon të diskutohet shumë në mediet sportive nga profesionist të këtij sporti.
Sport
Real Madrid mori një fitore të rëndësishme me rezultat 1:2, kur mposhti Ajaxin në ‘Johan Cruyff Arena’ në ndeshjen e parë të 1/8 së finales së Ligës së Kampionëve.
Në minutën e 38’ të ndeshjes, Ajaxit iu anulua një gol, kur gjyqtari pas konsultimit me VAR konstatoi se lojtari i skuadrës vendase ishte në pozitë jashtë loje, pas goditjes së topit nga Nicolas Taglifico.
Por kështu nuk ka menduar ish gjyqtari spanjoll, Andujar Oliver.
Oliver, duke e komentuar këtë gol ka thënë se goli i Ajax ka qenë i rregullt.
“Sa më shumë që i shoh pamjet, aq më shumë bindem se goli ishte i rregullt”, tha Andujar për Radio MARCA.
“Tadic nuk e pengoi Courtoisin, ai nuk pati kurrfarë ndikimi”, shtoi ai./Lajmi.net/
VAR goal review disallows Ajax goal#AjaxVsRealMadrid #RealMadrid is struggling pic.twitter.com/1msHZOjhU1
— SeekingSea (@sea_seeking) February 13, 2019