Arianiti kujton edhe kohën kur ishte pjesë e KF Prishtinës.
“Duhet së pari ta shohim se kush e ka dhënë atë deklaratë. Ai (Remzi Ejupi) kur ishte në takimin me Vokrrin, më quajti disa herë në prani të të tjerëve avokat. Ndoshta ai nuk më njeh mirë, sepse nuk i përket botës së sportit, por unë kam qenë për shumë vjet futbollist i Prishtinës”, thotë Ahmeti për “GazetaOlle.com”.
Ai akuzon rëndë numrin një të Prishtinës, për të cilin thotë se: “Pas debatit që e panë të gjithë të zhvilluar gjatë ditës (debati në Telegraf), u pa mbrëmë se ku paska qenë qëllimi i një njeriu që ndoshta mund të quhet se ka të meta psiqike”, u shpreh Ahmeti.
Sipas tij, Ejupi deshi që me deklarata ta nxisë sërish situatën dhe ta prish festën e madhe të së dielës dhe një kampionat korrekt.
Akuzat vijnë pasi MKRS vendosi që ndeshja Prishtina – Drita të mos luhet në stadiumin e Prishtinës, derisa për këtë vendim Prishtina akuzoi FFK-në.