Ish-anëtari i KQZ-së: Transporti i votuesve nga Vetëvendosje konsiderohet vepër penale
Në ditën e zgjedhjeve, Lëvizja Vetëvendosje u raportua se kishte mobilizuar aktivistët që të transportojnë votuesit deri tek qendrat e votimit, në këmbim të votës për Shpend Ahmetin.
Lajme
Florian Dushi nga Lidhja Demokratike e Kosovës, dikur anëtar i Komisionit Qendror të Zgjedhjeve, ka thënë se një organizim i tillë, i kamufluar si një OJQ, përveç se është shkelje ligjore mund të përmbajë edhe elemente të veprës penale.
“Kemi 11 vepra penale të parapara sipas kodit penal sa i përket të drejtës së votimit dhe në të gjitha këto raste parashihet që presioni, ofrimi, çfarëdo përfitimi i pamerituar me qëllim të ndikimit tek votuesi parashihen si vepra penale”, është shprehur Dushi në RTV21.
Ai ka shtuar se organet kompetente kanë argumente të mjaftueshme të merren me hetimin e këtij rasti.
Dushi ka treguar se një OJQ e tillë as që ekziston në regjistrin e OJQ-ve, tek Ministria e Administratës Publike