Ironizon Mehmeti: Mali i Zi në NATO, Maqedonia feston Ditën e Drurit
Deputetja e Bashkimit Demokratik për Integrim (BDI), Ermira Mehmeti, e ka vlerësuar si një hap të madh dhe shumë të rëndësishëm për Malin e Zi dhe për rajonin ftesën për anëtarësimin e Malit të Zi në NATO.
Lajme
Por ajo me anë të një postimi në Facebook, ka kritikuar dhe irronizuar me autoritetet në Maqedoni, ku është shprehur se në ditën që Mali i Zi mori ftesën për anëtarësim në aleancën veri-atlantike, shteti maqedon feston Ditën e Drurit .
“Sot Mali i Zi merr ftesën për anëtarësim në NATO. Hap i madh dhe shumë i rëndësishëm për Malin e Zi dhe për rajonin. Ndërkohë, Maqedonia, e ndodhur në qorrsokak për shkak të qeverisjes jodemokratike, vazhdon me politikën ‘në vendnumëro’. Sot Maqedonia shënon Ditën e Drurit. Çdo koment i mëtejmë është i tepërt”, shkruan deputetja Mehmeti.